www.armenningar.is

18, ágúst 2010

Tue, 24 Aug 2010 14:07:00 GMT

Stjórnarfundur Ármanns 18. ágúst 2010 kl: 17:30 í Ármannsfelli.

Mættir: Snorri Þorvaldsson, Kristín Ólafsdóttir, Sigurða Sigurðardóttir, Jakob Kristinsson, Erla Traustadóttir, Freyr Ólafsson, Vilborg Ævarsdóttir, Sæunn Viggósdóttir, María Guðsteinsdóttir, Kristinn Kristinsson, Jón Birgir Valsson og Jón Þór Ólason, framkvæmdastjóri félagsins.

Dagskrá:

Ármannsblaðið/litabók
Fréttir frá framkvæmdastjóra
Septemberfundurinn
Önnur mál

Ármannsblaðið frágengið, vel hefur gengið að safna auglýsingum, texti kom frá öllum deildum nema lyftingadeild. Því verður dreift með póstinum á föstudag, í hverfi 103, 104, 105, 108.

Litabókin rétt ókomin úr prentun, henni verður dreift til barna í 1. og 2. bekk í hverfum 104 og 105. Þjálfarar munu líka geta nálgast hana hjá Sæunni ef þeir vilja. Hugmynd um að setja af stað samkeppni þar sem verðlaun verða í boði.

Sjá viðhengi. Talað um að í daglegu tali verði húsið okkar kallað Ármannsheimilið.

Samþykkt að framkvæmdastjóri og gjaldkeri leiti eftir hagstæðari viðskiptabanka fyrir félagið.

Næst ætlum við að halda langan fund, líklega 15. september í skíðaskálanum frá kl. 18-22. Boðaðir verða: aðalstjórn, varastjórn, formenn deilda og mögulega 1-2 til viðbótar frá hverri deild. Kristinn athugar hvort skálinn sé laus og hvort skíðadeildarfólk geti tekið að sér að sjá um kvöldmat fyrir fundarfólk. Ræða á starfið framundan í vetur.
Freyr og Jón Þór kynntu hugmynd að félagsgalla frá Puma. Þeim falið að vinna málið áfram, þannig að niðurstaða fáist innan viku.

Fundi lauk kl. 18:30. Fundarritari var Kristín Ólafsdóttir.

Fundargerð 2 júní 2010

Thu, 24 Jun 2010 14:28:00 GMT

Fundargerð_fundar_í_aðalstjórn020610.doc

Fundargerð 04.05.2010

Mon, 31 May 2010 15:04:00 GMT

Stjórnarfundur Ármanns 04.05 2010 kl: 17.30 í Ármannsfelli.

Mættir eru: Snorri Þorvaldsson, Kristín Ólafsdóttir, Steinunn Sæmundsdóttir, Jakob Kristinsson, Einar Bjarnason, Sigurða Sigurðardóttir, Jón Birgir Valsson og Jón Þór Ólafsson framkvæmdastjóri.

Dagskrá:

1.Ráðning framkvæmdastjóra

2.Ármannsblað (kálfur Laugardalsblað)

3.Heimasíða (Ritstjóri/blaðamenn)

4.Önnur mál

1.Ráðning framkvæmdastjóra

Framkvæmdastjóri Ármanns, Jón þór Ólafsson var ráðinn í fullt starf á fundi sem stjórnin hélt 21.apríl 2010.

- Glímufélag Ármanns er búin að semja við Olís. Ágóði rennur til deildanna eða aðalstjórnar, eftir því hvernig merkt er við í umsókn.

-Jón Þór er beðinn um að minna deildir á að nota Olískortið.

-Jón þór heldur áfram með fjáröflun og útvegun á styrktaraðilum fyrir félagið.

-Jón þór fór með bréf með áskorun Glímufélags Ármanns til Borgarstjóra og Borgarstjórnar. Einnig sendi hann bréfið á alla borgarfulltrúa, ÍBR og ÍTR (sjá bréf aftast í fundargerð).

2.Ármannsblað-kálfur í Laugardalsblaðinu

Áætlað að hver deild fái heilsíðu í Laugardalsblaðið.

Deildir þurfa að skila inn greinum fyrir 1.ágúst. Blaðið kemur út í september.

Hugmynd kom fram að hafa grein um nauðsyn að fá snjóframleiðslu í Bláfjöll inni í blaðinu ásamt exelskjali um kostnað skíðamanna vegna ferða norður á land í vetur.

3.Heimasíða - Ritstjóri/blaðamenn

Jakob hvattur til að breyta heimasíðunni þannig að fleiri fréttir komast á forsíðu heimasíðunnar.

Hver deildir sér um að setja inn fréttir á heimasíðuna. Hvetja þarf til þess að þær sendi einnig mikilvægar fréttir og árangur á sérsamband sitt, sem setji frétt um deildina á sína heimasíðu.

Einnig ættu fleiri fréttir heima á íþróttasíðum blaðanna. Of lítið er gert að því að setja Ármanns fréttir í blöðin.

4.Önnur mál

- Steinunn ritari sendir ítarleg fundargerð á stjórnarmenn og formenn eftir hvern fund, sem Jón Þór prentar út og setur í möppu. Sæunn íþróttafulltrúi á síðan að sjá um að gera úrdrátt og setur inn á netið fjórum dögum síðar.

-Íþróttafulltrúi setji nöfn nýrrar stjórnar inn á heimasíðu ásamt myndum af öllum stjórnarmönnum.

-Grettisbeltið hlaut Ármenningurinn Pétur Eyþórsson. Ármann var að vinna Sveitaglímu Íslands í 1.skiptið. Grettisbeltið er úr silfri, sem var búið til 1906 og fyrst keppt um það þá. Þetta er dýrgripur, sem er geymdur í bankahólfi á milli keppna. Hugmynd uppi að hafa það til sýnis í Ármannsheimilinu í vel læstum skáp.

-Glímudeildar bolir komu til tals hversu flottir þeir eru.

-Ármanns húfur komnar í sölu á skrifstofu.

-Innanhúsæfingar. Tímatöflur ættu að fara að koma frá ÍBR núna í maí.

-Félagsaðstaða Ármanns er allt of lítil í húsinu.

-Glímumenn og júdómenn eru að togna og slíta liðbönd vegna gólfsins niðri í Skelli. Það vantar eitt gólf til viðbótar í Skell, sem hentar glímumönnum.

-Jón Þór er að fara á fund hjá ÍBR og mun m.a. ræða snjóframleiðsluna í Bláfjöllum.

-----------------------------------------------------------------------------------------------------------------

Áskorun Glímufélags Ármanns til Borgarstjóra og Borgarstjórnar:

Reykjavík. 19.04.2010

Virðulegi Borgarstjóri, Hanna Birna Kristjánsdóttir

og virðulega Borgarstjórn Reykjavíkur.

Skíðadeild Ármanns hefur aðsetur í Sólskinsbrekku, í Suðurgili Bláfjalla, þar sem nýlega hefur verið byggt við skíðaskálann og mikill kostnaður hefur verið lagður í alla aðra aðstöðu. Vegna snjóleysis í vetur hafa félagsmenn þurft að sækja norður heiðar flestar helgar til að stunda skíðaæfingar með tilheyrandi kostnaði, hættum á þjóðvegum, og fjarveru frá skóla.

Á árinu 2009 sóttu tæplega 94.000 manns skíðasvæðið í Bláfjöllum á þeim 58 dögum sem hægt var að hafa þar opið. Á góðum degi sækja 6-10.000 skíðamenn Bláfjöllin. Í ár hefur eingöngu verið hægt að hafa opið í 5 daga og sóttu þá tæplega 10.000 manns í Bláfjöllin. Fyrir utan tvö undanfarin ár, voru átta ár þar á undan mjög snjólétt.

Með bréfi þessu er meðfylgjandi exel skjal með kostnaðaráætlun sem skíðaiðkendur og fjölskyldur þeirra í Ármanni hafa lagt út vegna æfingaferða haustið 2009 og veturinn 2010. Ekki er reiknað inn í kostnaður deildarinnar sem er aukinn vegna móta sem flest þarf að halda langt frá heimahögum. Einnig er áætlaður heildarkostnaður allra skíðafélaganna á Stór-Reykjavíkur svæðinu, svo og áætlaður kostnaður hins almenna skíðaiðkanda frá höfuðborgarsvæðinu, sem hafa farið fjölmargar ferðir norður til skíðaiðkunar í vetur.

Heildarfjöldi iðkenda í Skíðadeild Ármanns er nú 106. Heildarkostnaður iðkenda deildarinnar vegna æfingaferða, var rúmar 14,5 milljónir og þegar fjölskyldan bætist við, sem fer með í þessar ferðir, er kostnaðurinn rúmar 42 milljónir.

Heildarfjöldi iðkenda skíðafélaganna á Stór-Reykjavíkursvæðinu er um 400 og er heildarkostnaður allra skíðafélaganna í vetur vegna æfingaferða út á land áætlaður rúmar 168 milljónir.

Um 100.000 skíðamenn hafa heimsótt Hlíðarfjall í vetur og er það um 70% aukning frá því árinu áður. Áætla má því að um 70.000 manns af höfuðborgarsvæðinu hafi skíðað í Hlíðarfjalli í vetur. Nemur kostnaður af þessum ferðum tæpum 1.4 milljarði króna. Benda má á að á meðan íþróttamannvirki standa auð í Bláfjöllum og mannskapur er á launum án þess að nokkur innkoma sé, þá verður Reykjavíkurborg af tekjum á meðan fjármunir renna til annarra sveitafélaga.

Snjóframleiðslukerfi hafa sannað gildi sitt á Akureyri, Dalvík og á Tindastóli, með tvöföldun skíðadaga og jafnvel meira. Þörfin fyrir snjóvélar á skíðasvæðum höfuðborgarinnar hefur aldrei verið meiri en einmitt í vetur. Nú verður ekki lengur við það búið að fámenn sveitafélög bjóði sínum skíðamönnum upp á snjóframleiðslu og aðstæður til æfinga á meðan við hér fyrir sunnan getum ekki æft okkar íþrótt.

Veðurskilyrði og hitatölur eru hagstæðar fyrir snjóframleiðslu í Bláfjöllum. Einar Sveinbjörnsson veðurfræðingur tók saman gögn sem sanna það, í greinagerð sem hann tók saman fyrir skíðadeild Breiðabliks. Hitamælingar og veðurathugun frá Veðurstofu Íslands hafa verið í nokkur ár við Bláfjallaskála.

Á aðalfundi Glímufélags Ármanns, 24. mars 2010, var sérstaklega fjallað um aðstöðu skíðadeildarinnar til skíðaiðkunar. Það var almenn skoðun félagsmanna að skíðaíþróttin beri skertan hlut frá borði hvað varðar aðstöðu til skíðaiðkunar og skíðaæfinga miðað við aðrar íþróttagreinar. Eftirfarandi áskorun til borgarstjóra og borgarstjórnar var samþykkt:

“Glímufélagið Ármann skorar á Borgarstjóra og Borgarstjórn Reykjavíkur að stórbæta aðstöðu skíðafélaganna í Reykjavík með því að hefja nú þegar framkvæmdir við að koma upp snjóframleiðslukerfi á skíðasvæði Reykvíkinga í Bláfjöllum.”

Virðingarfyllst,

______________

Snorri Þorvaldsson

Formaður Glímufélags Ármanns

---------------------------------------------------------------------------------------------------------------

Fundi slitið kl.18:35

Næsti fundur verður miðvikudaginn 2.júní 2010

Steinunn Sæmundsdóttir

Ritari Glímufélags Ármanns

Aðalfundur 2010

Wed, 05 May 2010 12:59:00 GMT

Snorri Þorvaldsson formaður Glímufélagsins Ármanns býður fundargesti velkomna og setur fund. Lyftingadeild eina deildin sem er ekki með fulltrúa á fundinum. Snorri stingur upp á Þorgerði Diðriksdóttur sem fundarstjóra og Sæunni Viggósdóttur sem ritara. Það er samþykkt.

Fundarstjóri ber upp hvort fundur sé löglegur og fer yfir formsatriði.

Stjórn hefur tilnefnt kjörnefnd og eru þau Sigurða Sigurðardóttir, Helgi Björgvinsson og Sigríður Sigurðardóttir í henni, Sigurða er formaður.

Kjörbréfanefnd fer yfir kjörbréf og heldur nafnakall.

Tillaga um að taka umræður um skýrslu stjórnar, íþróttafulltrúa, gjaldkera og hugleiðingar framkvæmdastjóra saman. Samþykkt.

Snorri Þorvaldsson formaður flytur skýrslu stjórnar.

Írunn Ketilsdóttir gjaldkeri flytur skýrslu gjaldkera.

Sæunn Viggósdóttir íþróttafulltrúi flytur skýrslu íþróttafulltrúa.

Jón Þór Ólason flytur hugleiðingar framkvæmdastjóra.

Fundarstjóri bendir á að skýrsla stjórnar og íþróttafulltrúa liggja fyrir á borðum.

Fundarstjóri opnar fyrir umræður.

Hörður Gunnarsson tekur til máls.

Tryggvi Gunnarsson tekur til máls.

Karl Jóhann Garðarson, Freyr Ólafsson og Steinunn Sæmundsdóttir bera upp tillögu, Karl kemur í pontu og tillagan hljómar svo: við leggjum til að fundurinn samþyki að halda áfram að styrkja afrekssjóð og noti 50% af tekjuafgang ársins til þess að greiða í afrekssjóð.

Umræður um tillöguna.

Hörður Gunnarsson tekur til máls og kemur með breytingatillögu. Að sé tekjuafgangur þá verði ákveðið hlutfall lagt í afrekssjóð eftir því sem ákvörðun stjórnar segir til um.

Jakob Kristinsson bendir á að afrekssjóður er nýr hjá okkur, hann er í þróun. Honum líst mjög illa á það að binda hendur aðalstjórnar og taka fasta prósentu af hagnaði, mælir með að hafa fjáraflanir. Jakob leggur fram nýja tillögu: fundur samþykkir að fela aðalstjórn Glímufélagsins Ármanns að leitast við að styrkja afrekssjóð eins og frekast er unnt á ári hverju.

Fundarstjóri ber upp nýju tillöguna og fundurinn samþykir hana. Fyrri tillaga fellur því út.

Reikningar samþykktir.

Kaffihlé

Fundarstjóri biður Snorra Þorvaldsson að tilnefna nýja stjórn.

Ber upp tillögu að Kristín Ólafsdóttir verði varaformaður áfram, tillagan var samþykkt.

Írunn berst undan því að vera gjaldkeri áfram og því verður kostinn til eins árs nýr gjaldkeri, ber upp tillögu um Jakob Kristinsson, tillagan var samþykkt.

Ásgeir Daníelsson hættir sem ritari og er Steinunn Sæmundsdóttir tilnefnd og það samþykkt.

Jón Birgir Valsson er tilnefndur sem meðstjórnandi og það samþykkt.

Ólafur Geirsson býður sig fram sem meðstjórnandi og það samþykkt.

Varastjórn.

Uppástunga upp á Tryggvi Þór Gunnarsson ,Erlu Traustadóttur, og Sigurða Sigurðardóttir, samþykkt.

Skoðunarmenn reikninga

Hrefna Sigríður Bríem og Helgi Björgvinsson, samþykkt.

Varaskoðunarmenn

Hermann Valsson og Haraldur Haraldsson, samþykkt.

Önnur mál

Jakob Kristinsson ber upp tillögu að fundurinn sendi borgarstjóra og borgarstjórn áskorun að hefja nú þegar framkvæmdur við það að koma upp snjóframleiðslukerfi á skíðasvæði Reykvíkinga í Bláfjöllum. Á árinu 2009 sóttu tæplega 100.000 manns skíðasvæðið á þeim 58 dögum sem hægt var að hafa opið. Sambanburður við árið 2010 er dapurlegur, en þá komst tæplega 10.000 manns á skíði á skíðasvæði Reykvíkinga á þeim 5 dögum sem hægt var að hafa opið. Tillagan var samþykkt og vísað til stjórnar.

Fundargerð 7. apríl 2010

Fri, 16 Apr 2010 11:14:00 GMT

Stjórnarfundur Ármanns 07.04. 2010 kl: 17:30 í Ármannsfelli.

Mættir eru: Snorri Þorvaldsson, Steinunn Sæmundsdóttir, Valgeir Halldórsson, Jón Þór Ólafsson, Jakob Kristinsson, Sigurða Sigurðardóttir, Ólafur Geirsson, Kristín Ólafsdóttir, Erla Traustadóttir og Vilborg Ævarsdóttir.

Dagskrá:

1.Aðalfundurinn 24.03.2010

2.Heimasíða

3.Framkvæmdastjóri (1/2 – 1/1)

4.Önnur mál

1.Aðalfundurinn 24.03.2010

Ný stjórn var kjörin á aðalfundi Glímufélags Ármanns 24.3.2010

Hana skipa eftirfarandi fulltrúar:

Aðalstjórn:

Snorri Þorvaldsson formaður, Kristín Ólafsdóttir varaformaður, Steinunn Sæmundsdóttir ritari, Jakob Kristinsson gjaldkeri, Einar Bjarnason meðstjórnandi, Jón Birgir Valsson meðstjórnandi, Ólafur Geirsson meðstjórnandi.

Varastjórn:

Sigurða Sigurðardóttir, Tryggvi Þór Gunnarsson, Erla Traustadóttir.

Farið var í gegnum drög af fundargerð aðalfundar Glímufélags Ármanns, sem Sæunn Viggósdóttir Íþróttafulltrúi ritaði. Snorri lýsti ánægju sinni með fundinn og með fundarstjóra aðalfundar, Þorgerði Diðriksdóttur.

-Jakob Kristinsson bar upp tillögu á aðalfundinum um að fundurinn samþykki að senda borgarstjóra og borgarstjórn áskorun að hefja nú þegar framkvæmdir við það að koma upp snjóframleiðslukerfi á skíðasvæði Reykvíkinga í Bláfjöllum. Tillagan var samþykkt og vísað til stjórnar. Klára á þetta bréf, sem Jakob, Jón Þór, Steinunn og Einar sjá um að fylgja eftir og senda áfram til borgarstjórnar.

Snorri tók fram að mikill almennur áhugi var á aðalfundinum fyrir að styrkja ætti og efla afrekssjóð. Jakob leggur til að við gerum samþykkt hér á fundinum hvað við ætlum að styrkja afrekssjóð mikið. Kristín leggur til að aðalstjórn stefni að því að veiti að minnsta kosti 1.000.000.- inn í afrekssjóð árlega. Það var samþykkt samhljóða.

Meira um fjáröflun fyrir afrekssjóð:

Snorri leggur til að við höldum áfram að selja diskana frá 120 ára afmæli Ármanns, lækka þá í kostnaði eða þá gefa þá ef þeir seljast ekki.

Einnig tillaga frá Kristínu að gera jólakort og jólapappír með merki Ármanns.

Jón Þór ætlar að leggja áherslu á að fá styrktaraðila sem styrkir beint afrekssjóð.

2.Heimasíða

Fréttabendillinn er of stuttur á heimasíðunni. Það mætti smækka letrið, þannið að 10 fréttir kæmust fyrir á síðunni.

Myndasíða þarf að vera á heimasíðu aðalstjórnar. Daníel þarf að laga til í flokkakerfinu, að sögn Jakobs, áður en hægt er að setja inn myndasíðu.

Snorri vill geta komist í að setja inn gamlar svart/hvítar myndir inn á heimasíðuna. Jakob ætlar að fara í málið.

Iðkenndalistinn er kominn á einn stað í hópa. Heimasíðan er ekki fullkláruð. Hver deild á að geta raðað sínum iðkenndum inn á þjálfara og þá væri möguleiki að setja inn athugasemd um iðkenndur. Upplýsingar gæti t.d. verið um hver er búinn að greiða. Þjálfari gæti sent póst til iðkennda í gegnum þetta kerfi. Þetta er nánast tilbúið, en er ekki ennþá fullklárað. Jakob fer í málið.

3.Framkvæmdastjóri (1/2 – 1/1)

Ákveðið var að ráða á síðasta ári framkvæmdastjóra í ½ starf í eitt ár, frá því í júní 2009. Velt er upp hvert framhaldið verði, hvort hann verði áfram í ½ starfi eða starfshlutfall aukið. Höfðu sumir fundarmenn á orði að sýnt væri að félagið hefði þörf á framkvæmdastjóra og Jón Þór stæði sig vel í starfi. Snorri ítrekaði að gjaldkeri sjái um fjármálin, en ekki framkvæmdastjóri.

Steinunn benti á að miðað við stöðu fjármála Glímufélags Ármanns skv. áætlun fyrir 2010, ef tekjuafgangur 2,5 millj. Koma þarf því aukin fjárveiting fyrir Glímufélag Ármanns frá ÍTR, ef ráða á framkvæmdastjóra í fullt starf.

Jón Þór á fund með Ómari á morgun vegna samninga íþróttafélaga og Reykjavíkurborgar.

Samþykkt að Snorri, Kristín og Jakob gjaldkeri funda með framkvæmdastjóra með áframhaldandi starfssamning í huga.

4.Önnur mál

1.Hugmynd um að skipuð sé merkjanefnd, sem sér um merkjaveitingar.

2.Samstarfssamningur milli Olís og Glímufélag Ármanns var nýlega undirritaður:

Hagnaður rennur til deilda félagsins eða aðalstjórnar, ef ekki er merkt við deild.

Olís leggur inn á reikning gjaldkera, sem sér um að greiða til deildanna.

3.Félagsmaður í Ármanni:

Hvetja fólk og deildir til að hvetja félagsmenn til að gerast félagi í Ármanni, skrá sig inn á heimasíðunni og gerast styrktaraðili. Ekki er búið að útfæra hvernig greiðsla eigi að berast. Krafa þarf að berast inn í heimabanka viðkomandi eða gíróseðill sendur heim, ef viðkomandi hefur ekki heimabanka. Rætt var um að Jakob breyti því á heimasíðunni að tilkynning berist til gjaldkera deilda, þegar ný skráning félagsmanns verður.

4.Laugardalsblaðið:

Samþykkt að taka þátt í þessu aftur og vera með sérkálf í því eins og gert var í fyrra haust.

Forvinna blaðið núna í vor og það verður gefið út í haust.

5.Skoða möguleika á að Glímufélag Ármanns leigi posa, sem deildirnar geti nýtt sér. Jón Þór athugi þetta.

6.Gömul krafa frá tollstjóra, síðan Virtus var með bókhaldið. Jón Þór fer í málið.

7. Ábending frá Erlu varastjórnarmanni að setja dagskrá fundar í meginmál líka.

8.Rætt var um á þar síðasta aðalfundi að félagið gerist fyrirmyndafélag. Stefna mætti á að félagið verði fyrirmyndafélag 2013, á 125 ára afmæli þess.

Næsti fundur verður þriðjudaginn 4.05.2010 kl. 17:30

Fundi lauk kl.19:00

Fundargerð ritaði Steinunn Sæmundsdóttir

Fundur aðalstjórnar Ármanns 24. mars 2010

Sun, 04 Apr 2010 23:14:00 GMT

Stjórnarfundur Ármanns 24.03 2010 kl: 18.00 í Ármannsfelli.
Dagskrá:
1.Undirbúningur fyrir aðalfund
2.Önnur mál

Mættir: Snorri Þorvaldsson, Steinunn Sæmundsdóttir, Einar Bjarnason, Jakob Kristinsson, Írunn Ketilsdóttir, Vilborg Ævarsdóttir, Jón Þór Ólason, Sæunn Viggósdóttir og Ásgeir Daníelsson.
Forföll boðaði: Kristín Ólafsdóttir.

1.   Farið yfir tillögur um skipanir í nefndir fyrir aðalfundinn, dagskrána og kostningar í stjórnir o.fl.

2.   Ásgeir lagði fram tillögu um launakostnað vegna vinnu við bókhald:

Skipting kostnaðar vegna vinnu við bókhald 2009
                                   Kostnaður   Kostnaður
                                      2009      2008
Fimleikadeild     300.000      300.000
Frjálsar         57.165
Júdó                              56.850     22.047
Taekwondo                     47.874         31.654
Skíðadeild        224.409      77.165
Helga L. Ásgeirsdóttir 260.000      255.906
Samtals         946.299      686.772

og tillögu um skiptingu kostnaðar vegna launaútreiknings:

Skipting kostnaðar vegna launaútreiknings á árinu    2009
                          Fjöldi      Hlutd.
                          launþega   kostnaðar
Aðalstjórn                1,5      12.853
Fimleikadeild           33,0      282.768
Sunddeild    3,8   32.847
Samtals         38,3       328.468

Tillögurnar voru samþykktar samhljóða.

Fundi lauk kl. 18:45. Fundarritari var Ásgeir Daníelsson.

Fundur aðalstjórnar Ármanns 2. mars 2010

Sun, 07 Mar 2010 22:57:00 GMT

Stjórnarfundur Ármanns 02.03 2010 kl: 17.30 í Ármannsfelli.
Dagskrá:
1.Bókhald/fjármál
2.Ársskýrsla Ármanns 2009
3.Aðalfundur Ármanns 2010
4.Skýrsla framkv. st.
5.Önnur mál

Mættir: Snorri Þorvaldsson, Kristín Ólafsdóttir, Írunn Ketilsdóttir, Jón Þór Ólason, Vilborg Ævarsdóttir, Sæunn Viggósdóttir, Jakob Kristinsson, Erla Traustadóttir og Ásgeir Daníelsson.
Forföll boðuðu: Steinunn Sæmundsdóttir og Sigurður Þ. Sigurðsson.

1.   Vinnslu bókhalds nokkurra deilda er lokið. Allar deildir hafa skilað bókhaldsgögnum. Fimleikar, júdó, frjálsar og kraftlyftingar hafa einnig lokið við aðalfundi. Bókhald annarra deilda langt komin.
Jón Þór sagði mikilvægt að minna deildir á að fara í banka og láta vita af þeim breytingum á stjórnum sem máli skiptir uppá prókúrur og umboð.

2.   Málin rædd.
Mikilvægt að deildir skili skýrslum um starf sitt á síðasta ári fyrir ársskýrsluna tímalega, helst viku fyrir aðalfundinn 24. mars.

3.   Aðalfundur Ármanns verður 24. mars 2010. Ákveðið að síðasti fundur fráfarandi stjórnar verði haldinn kl. 18 24. mars. Efni fundarins verði reikningar félagsins og undirbúningur aðalfundarins.
Kristín gefur kost á sér áfram sem varaformaður. Írunn ætlar að hætta sem gjaldkerfi enda mjög mikið að gera í Taikwondo-deildinni. Ásgeir ætlar að hætta í aðalstjórn.

4.   Jón Þór gerði grein fyrir námsskeiðum sem hann og Sæunn hafa staðið fyrir og/eða sótt, námsskeið í skyndihjálp og námsskeið hjá ÍSÍ um heilsufæði og um markaðsfræði fyrir íþróttir.
Jón Þór gerði grein fyrir tilraunum sínum við að fá merki Ármanns sett á húsið. Hann taldi enn von um að ÍTR geti leyst málið.
Jón Þór gerði grein fyrir hugmyndum um mögulegar framkvæmdir í kringum Ármanns-/Þróttarahúsið í Laugardal og viðræður við Þrótt um stefnu félaganna í þessum málum.
Jón Þór gerði grein fyrir hugmyndum um aðstöðu í Kópavogi fyrir kraftlyftingardeild. Forysta kraftlyftingardeildar mun telja lausnina ásættanleg.
Jón Þór fór yfir tryggingarmál við íþróttaiðkun. Nauðsynlegt að skoða þessi mál betur.
Jón Þór gerði grein fyrir nýboðuðum fundi á vegum Kjartans Magnússonar formanns ÍTR um íþrótta- og tómstundamál í hverfinu. Kvartað undan stuttum boðunartíma.
Sæunn lagði fram drög að siðareglum fyrir Ármann.
Sæunn sýndi nokkrar peysur frá Bros. Ákveðið að Sæunn vinni málið áfram og sjái til þess að nokkrar peysur verði til sýnis á aðalfundinum.

5.   Írunn gerði grein fyrir mjög góðum árangri Taekwondo-deildar, bæði íþróttalega og rekstrarlega. Stefnt er á að meistaraflokkur fari í æfingaferð til Kóreu á næsta ári.
-   Snorri formaður benti á mikilvægi þess að ármenningar hreiktu sér af því glæsilega íþróttafólki sem félagið hefur á að skipa. Ásdís Hjálmsdóttir er íþróttamaður Reykjavíkur 2009 en auk hennar voru þær Helga Margrét Þorsteinsdóttir og Anna Soffía Víkingsdóttir tilnefndar. Ásdís, Helga Margrét og Árni Þorlvaldsson fengu styrk úr Afreks- og styrktarsjóði Reykjavíkur.

Fundi lauk kl. 19:05. Fundarritari var Ásgeir Daníelsson.

Fundur aðalstjórnar Ármanns 3. febrúar 2010

Sun, 07 Feb 2010 10:24:00 GMT

Stjórnarfundur Ármanns 03.02 2009 kl: 17.30 í Ármannsfelli.
Dagskrá:
1.Bókhald/fjármál
2.Ársskýrsla Ármanns 2009
3.Aðalfundur Ármanns 2010
4.Námskeið (skyndihjálp/félagsmála)
5.Skýrsla framkv. st.
6.Litabók
7.Önnur mál

Mættir: Snorri Þorvaldsson, Kristín Ólafsdóttir, Írunn Ketilsdóttir, Einar Bjarnason, Tryggvi Þór Gunnarsson, María Guðsteinsdóttir, Jón Þór Ólason, Sigurður Þ. Sigurðsson, Helgi Björgvinsson, Vilborg Ævarsdóttir, Freyr Ólafsson og Ásgeir Daníelsson.
Forföll boðuðu: Steinunn Sæmundsdóttir, Sæunn Viggósdóttir og Jakob Kristinsson

1.   Ásgeir gerði grein fyrir stöðu bókhaldsmála. Fimleikadeild, júdódeild, frjálsíþróttadeild og skíðadeild sjá um bókhald fyrir sig sjálfar. Bókhald sunddeildar næstum frágengið og byrjað að vinna bókhald aðalstjórnar. Gögn komin frá körfuknattleiksdeild.
Ásgeir nefndi að annað af tveimur notendaleyfum félagsins hjá dk-bókhaldsfyrirtækinu hefði sennilega ekkert verið notað í þetta rúma ár sem félagið hefði keypt þessa þjónustu. Hann nefndi einnig að kerfið byði uppá innheimtuþjónustu o.fl. sem ekkert hefði verið notað.
Jón sagði að hann og Sæunn hefðu velt fyrir sér innheimtumálum og þjónustu við iðkendur, aðstandendur og deildir. Þau stefna á að kynna þessar hugmyndir fyrir aðalstjórn á næsta fundi.

2.   Snorri lagði áherslu á að ársskýrsla Ármanns fyrir 2009 verði tímanlega tilbúin.

3.   Stefna á aðalfund 24. mars. 2010.
Ásgeir nefndi að eftir væri að ganga frá prentaðri útgáfu af gildandi lögum félagsins en síðast voru samþykktar lagabreytingar á aðalfundi félagsins 2007. Tryggvi og Jón Þór sjái um að ganga frá gildandi lögum félagsins. (Lögin á heimasíðunni eru frá 2003 og löngu úrelt.)
Í uppstillingarnefnd voru skipuð: Helgi, María og Vilborg, sem verður formaður.

4.   Jón upplýsti að búið væri að skipuleggja tvö skyndihjálparnámsskeið fyrir þjálfara og starfsfólk félagsins.

5.   Flest mál sem tilheyra þessum lið voru rædd undir öðrum liðum.

6.   Jón upplýsti að búið væri að lagfæra myndir í samræmi við óskir. Stefnt á að bækurnar verði tilbúnar fyrir haustið.

7.   Freyr spurði hvernig umsókn félagsins um aðild að UMFÍ miðaði. Snorri upplýsti að ekkert nýtt væri að frétta af málinu en reiknað er með að þetta umsóknarferli gæti tekið allt að tvö ár.
-   Freyr benti á að offitu-vandamál væri vaxandi meðal íslenskra barna og spurði hvað Ármann væri að gera sem íþróttafélag í þessu máli en aukin hreyfing og holt mataræði væri hluti af lausn þessa vanda. Málið rætt.
-   Tryggvi ræddi búningamál og benti á að það vantaði einhvern fatnað, t.d. húfu eða peysu með merki félagsins (sbr. fatnað sem er merktur Þrótti).
-   Ásgeir spurði um hvað liði uppsetningu Ármannsmerkis á húsið. Jón Þór mun þrýsta á Ómar hjá ÍTR um að þessu máli verði kippt í liðinn með hraði.
-   Tryggvi benti á að bílastæðið væri slysagildra vegna lélegrar lýsingar. Málið rætt.
-   Írunn greindi frá því að taekwondo-deild hefði farið með hóp uppí skíðaskála. Hún bar lof á aðstöðuna.

Fundi lauk kl. 19:10. Fundarritari var Ásgeir Daníelsson.

Fundur aðalstjórnar Ármanns 12. janúar 2010

Sun, 17 Jan 2010 14:16:00 GMT

Stjórnarfundur Ármanns 12.01 2010 kl: 17.30 í Ármannsfelli.
Dagskrá:
1.Fjármál
2.Fréttir frá sunddeild (MS/ET)
3.Námskeið (skyndihjálp/félagsmála)
4.Skýrsla framkv. st.
5.Litabók
6.Önnur mál
a) Fundartími

Mættir: Snorri Þorvaldsson, Kristín Ólafsdóttir, Írunn Ketilsdóttir, Steinunn Sæmundsdóttir, Vilborg Ævarsdóttir, Jakob Kristinsson, Jón Þór Ólason, Erla Traustadóttir, Sæunn Viggósdóttir, Sigurður Þ. Sigurðsson og Ásgeir Daníelsson.

1. Farið yfir stöðu mála. Vilborg upplýsti að fimleikadeild er langt komin með vinnu við bókhald fyrir árið 2009. Ljóst er að afkoman hefur batnað mikið frá árinu 2008 þegar mikill halli var á rekstri deildarinnar.
- Írunn upplýsti að aðalstjórn væri búin að greiða frístundakort og lottó til deildanna.
- Snorri las upp bréf frá ÍTR dagsett 10. desember 2009 um að greiðslur frá borginni verði skertar sem nemur samningsbundnum verðbótum.

2. Erla fór yfir stöðu sunddeildar í Laugardalslaug og sagði frá því að eftir nokkur átök hefur nást ásættanlegri lausn varðandi úthlutun brauta í lauginni. Hún hrósaði mjög framgöngu framkvæmdastjórans, Jóns Þórs, í málinu.

3. Kristín og Sæunn fóru yfir málið og lögðu áherslu á mikilvægi þess að þjálfarar fengju reglulega fræðslu um skyndihjálp. Íþróttafulltrúa falið að skipuleggja tvö námsskeið.

4. Jón Þór fór yfir verkefni desembermánaðar: íþróttamaður ársins; fundur um útkomu úr ánægjuvog, sem var fámennur; fundur með framkvæmdastjóra hússins um framkvæmdir í húsinu. Líkur eru á að húsið verði merkt Ármanni á næstunni (LOKSINS).

5. Samþykkt að kosta útgáfu á litabók sem dreift verði í grunnskóla í hverfi félagsins til að auglýsa félagið. Sæunn sér um framkvæmdir.

6. Jón Þór gerði grein fyrir beiðni um að heimila utandeildarliðinu Hjörleifi sem er skipað gömlum Þrótturum að keppa í Visa-bikarnum í knattspyrnu undir merkjum Ármanns. Bent var á að skv. samningi félagsins við Þrótt er óheimilt að stofna knattspyrnudeild á vegum félagsins. Upplýst var að Þróttur mælir með umsókninni. Samþykkt að Jón Þór kanni hvort einhverjir meinbugir séu á að samþykkja umsóknina.
- Sigurður spurði um hvort eitthvað hefði verið gert til að skipuleggja afrekshóp bestu iðkenda í deildunum. Þessi hugmynd kom fram á ráðstefnunni í fyrra. Ekkert hefur verið gert í málinu. Samþykkt að Sæunn undirbúi starfsemi slíks hóps.
- Athygli vakin á því að ÍBR ákveði úthlutanir á tímum í íþróttahúsum seint á haustin (m.a. vegna anna í kringum Reykjavíkurmaraþon). Ákveðið að félagið mótmæli þessu ástandi með bréfi til stjórnar ÍBR. Steinunni og Sæunni falið að útbúa tillögur að slíku bréfi.
- Kristín vakti athygli á bæklingi frá Gróttu um siðareglur. Ákveðið að Steinunn og Sæunn hugi að útgáfu bæklings um siðareglur Ármanns.
- Samþykkt að fundur aðalstjórnar verði næst á miðvikudegi. Fundir verði síðan til skiptis á þriðjudögum og miðvikudögum fram að aðalfundi.

Fundi lauk kl. 19:35. Fundarritari var Ásgeir Daníelsson.

Fundur aðalstjórnar Ármanns 8. desember 2009

Fri, 18 Dec 2009 21:13:00 GMT

Stjórnarfundur Ármanns 08.12 2009 kl: 17.30 í Ármannsfelli.
Dagskrá:
1.15.des 2009 121.ára afmæli Ármanns
2.Íþróttamaður Ármanns 2009
3.Afrekssjóður
4.Skýrsla framkv. st.
5.Önnur mál

Mættir: Snorri Þorvaldsson, Kristín Ólafsdóttir, Steinunn Sæmundsdóttir, Vilborg Ævarsdóttir, Jakob Kristinsson, Jón Birgir Valsson, Jón Þór Ólason, Erla Traustadóttir, Sæunn Viggósdóttir og Ásgeir Daníelsson.
Forföll boðaði: Írunn Ketilsdóttir.

1.   Farið yfir stöðu mála. Undirbúningur gengur skv. áætlun.

2.   Sæunn kynnti tillögur frá deildunum um íþróttamann ársins og efnilegasta iðkandann. Helga Margrét Þorsteinsdóttir var valinn efnilegasti íþróttamaður Ármanns og Ásdís Hjálmsdóttir var valinn íþróttamaður Ármanns 2009.
Umræður um það hvort ástæða sé til að takmarka það hversu oft iðkandi geti talist efnilegastur. Ákveðið að Sæunni kanni hvaða fyrirkomulag er í þessum málum hjá öðrum íþróttafélögum.
Tillögur deildanna eru í viðauka A hér fyrir neðan.

3.   Steinunn gerði grein fyrir tillögum um úthlutunum úr Afrekssjóði. Tillagan var samþykkt samhljóða. Tillögur nefndar um Afrekssjóð eru í viðauka B hér fyrir neðan.

4.   Jón Þór gerði grein fyrir skýrslu framkvæmdastjóra. Skýrslan er í viðauka C hér fyrir neðan.

5.   Jón Birgir vakti athygli á að ekki væri farið reglulega yfir póst sem berst í Laugaból. Samþykkt að Jón Þór tékki af að póstur safnist ekki upp.
-   Jón Birgir lagði til að komið yrði upp safnkassa fyrir drykkjarumbúðir.

Fundi lauk kl. 19:25. Fundarritari var Ásgeir Daníelsson.

Viðauki A. Tillögur deilda um íþróttamenn og efnilegustu iðkendur

Íþróttamaður Ármanns 2009: Ásdís Hjálmsdóttir;    Efnilegasti íþróttamaður Ármanns 2009: Helga Margrét Þorsteinsdóttir
Fimleikamaður Ármanns: Bjarki Ásgeirsson;    Efnilegasti fimleikamaður Ármanns: Jóhanna Rakel Jónasdóttir
Frjálsíþróttamaður Ármanns: Ásdís Hjálmsdóttir;    Efnilegasti frjálsíþróttamaður Ármanns: Helga Margrét Þorsteinsdóttir
Glímumaður Ármanns: Pétur Eyþórsson;    Efnilegasti glímumaður Ármanns: Kristófer Ásgeirsson
Júdómaður Ármanns: Anna Soffía Víkingsdóttir;    Efnilegasti júdómaður Ármanns: Sveinbjörn Jun Iura
Kraftlyftingamaður Ármanns: María Guðsteinsdóttir;    Efnilegasti kraftlyftingamaður Ármanns: Júlían Jóhann
Körfuknattleiksmaður Ármanns: Þorsteinn Húnfjörð;     Efnilegasti körfuknattleiksmaður Ármanns: Gunnar Ingi Harðarson
Skíðamaður Ármanns: Árni Þorvaldsson;    Efnilegasti skíðamaður Ármanns: Sturla Snær Snorrason
Sundmaður Ármanns: Halldóra Þöll Þorsteins;    Efnilegasti sundmaður Ármanns: Sigurósk Sigurgeirsdóttir
Taekwondomaður Ármanns: Karl Jóhann Garðarsson;    Efnilegasti taekwondomaður Ármanns: Þór Harðarson

Viðauki B. Tillögur stjórnar Afrekssjóðs
                                                                                                                   Rvk. 7.12.2009
Aðalstjórn Ármanns
Tillögur nefndar um úthlutun út Afrekssjóð Ármanns:
Á fundi nefndar afrekssjóðs 07.12.2009, var gerð tillaga að 2. úthlutun úr Afrekssjóði Ármanns.   Skv. starfsreglum sjóðsins þarf aðalstjórn að samþykkja styrkveitingarnar. Staða Afrekssjóðs Ármanns er 7.12.2009 kr.1.494.085.-
Sjóðnum bárust 17 umsóknir og voru 16 samþykktar. Þar af er 1 hópur sem telur 14 einstaklinga og 15 einstaklings umsóknir. Samtals 29 einstaklingar. Einni umsókn er hafnað þar sem hún uppfyllir ekki skilyrðum starfsreglna sjóðsins.
Til hliðsjónar mátum við árangur þessa árs, þau verkefni sem lágu að baki, svo og útlagðan kostnað á árinu 2009. Upphæð styrkja er í fimm flokkum, frá 20.000.-krónum upp í 100.000.- krónur.

100.000.-króna styrki fá 2 einstaklingar:
Ásdís Hjálmsdóttir frjálsíþróttakona
Helga Margrét Þorsteinsdóttir frjálsíþróttakona

75.000.- króna styrki fá 4 einstaklingar:
Anna Soffía Víkingsson júdókona
Árni Þorvaldsson skíðamaður
Bjarki Ásgeirsson fimleikamaður
Gísli Rafn Guðmundsson skíðamaður

40.000.- króna styrk fá 3 einstaklingar:
Birgir Páll Ómarsson júdómaður
Fanney Þorbjörg Guðmundsdóttir skíðakona
Sveinbjörn Jun Iura júdómaður

25.000.- króna styrki fá 6 einstaklingar:
Agnes Suto fimleikakona
Freydís Halla Einarsdóttir skíðakona
Jóhanna Rakel Jónasdóttir fimleikakona
Lovísa Mjöll Guðmundsdóttir skíðakona
María Rún Gunnlaugsdóttir frjálsíþróttakona
Sturla Snær Snorrason skíðamaður

20.000.- króna styrk fá hver einstaklingur úr 14 manna Mix liði í hópfimleikum, samtals 280.000.-krónur:
Andri Vilberg Orrason, Ásta Þyrí Emilsdóttir, Bryndís Torfadóttir, Daði Snær Pálsson, Elsa María Gunnarsdóttir, Hera Jóhannesdóttir, Hjalti Geir Erlendsson, Jónas Valgeirsson, Olof Johannsson, Ragnheiður Eva Kristinsdóttir, Sandra Sif Guðbrandsdóttir, Sjöfn Guðmundsdóttir, Sólveig Ásta Bergsdóttir og Stefán Pálsson.

Samtals styrkveitingar úr Afrekssjóð Ármanns verða því kr. 1.050.000.- svk. Þessarri tillögu.
Afrekssjóðsnefndin.

Viðauki C. Skýrsla framkvæmdastjóra.

1.   Nokkrir fundir með Framkvæmda og eignaumsýslu Reykjavíkurborgar um málefni hússins. Enn ekki komin lending með hvað verður gert niðri. Búið að ákveða að ÍAV geri við vegginn uppi og aðrar lagfæringar í salnum.

2.   Nokkuð verið um utanaðkomandi viðburði í húsinu t.d auglýsingar, æfingabúðir, mót.

3.   Nokkuð verið um skemmdir og þjófnaði á eignum úr húsinu. Sjónvarp í bardagasal skemmt og sjónvarpsfestingu niðri stolið. Síðan á alltaf eftir að klára hátalaramálið.

4.   Reglulegir fundir með Loga um málefni hússins

5.   Búið að senda út bréf til nokkurra fyrirtækja til styrktar afrekssjóðinum en engin jákvæð viðbrögð. Desember er ekki góður tími til að sækja styrki, vonandi gengur betur eftir áramót.

6.   Ási framkvæmdastjóri Þróttar hættur og kominn annað. Hann var kvaddur með gjöf frá Ármanni.

7.   Búið er að kaupa líkamsræktartæki í salinn niðri og er hann að taka á sig endanlega mynd. Örlitlir árekstrar urðu milli manna við endurskipulag salarins en sá ágreiningur var leystir.

8.   Kynning á ánægjuvog ÍBR.    Dapurlegt að segja frá því að í 10 deilda og 2100 iðkenda félagi hafi einungis íþróttafulltrúi, framkæmdastjóri og Jakob aðalstjórnarmaður , Írunn frá Taekwondo/aðalstjórn og tveir fulltrúar frá fimleikadeildinni séð sér fært að mæta. Þetta er ein lélegasta mæting hjá íþróttafélagi á kynninguna hjá ÍBR.

9.   Formannafundur ÍSÍ.
1.         Mörk starfsemi íþróttafélaga – forvarnir – samfélagshlutverk – almenningsíþróttir.
2.         Staða og viðbrögð við fjármálakreppu – ný úrræði – sóknarfæri – næstu skref.
3.         Samskipti íþróttafélaga og sveitarfélaga – samstarf við skóla – mannvirkjauppbygging.
Kynnt munnlega.