www.Armenningar.is

Master Ko Tai-Jeong, 8.dan, í heimsókn á æfingu hjá Taekwondo

Tue, 07 Sep 2010 15:41:00 GMT

Mánudaginn 6. september fengu Ármenningar heimsókn frá Master Ko Tai-Jeong, 8.dan. Master Ko er kennari við lýðháskólann Bosei í Danmörku þar sem hann kennir Taekwondo en við skólann eru kenndar bardagalistir og japanska.

Ko hefur mikla reynslu sem þjálfari og hefur meðal annars unnið með danska landsliðinu fyrir stórmót. Það var mjög ánægjulegt að fá svo hátt gráðaðan kennara í heimsókn og var æfingin virkilega skemmtileg. Á æfingunni var farið yfir hefðbundnar Taekwondo æfingar auk þess sem Master Ko lumaði á nokkrum æfingum sem eru öðruvísi en Ármenningar eiga að venjast og var það bæði skemmtilegt og gagnlegt og kemur vonandi að notum á æfingum í framtíðinni.

Hægt er að lesa meira um Master Ko og Bosei á heimasíðu skólans.

Fimleikarnir komnir á fullt!

Thu, 02 Sep 2010 13:57:00 GMT

Nú eru fimleikarnir komnir á fullt í Ármanni og er margt um manninn í fimleikasalnum alla daga. Mikil aukning hefur orðið á iðkendafjölda deildarinnar og enn eru á annað hundrað manns á biðlista. Við vildum óska þess að við gætum tekið við öllum en því miður þá býður húsrúm ekki upp á það. Verið er að vinna í því að koma sem flestum að.

Opnunartími skrifstofu fimleikadeildarinnar er kl.16:00-18:00 mánudaga - fimmtudaga. Lokað á föstudögum.
Endilega sendið tölvupóst á deildina ef þið hafið fyrirspurnir, fimleikar@armenningar.is

Áfram Ármann!

Fimleikadeild - opnunartími

Tue, 31 Aug 2010 15:16:00 GMT

Skrifstofa fimleikadeildarinnar verður opin milli 16:00 og 18:00 á mánudögum, þriðjudögum, miðvikudögum og fimmtudögum. Lokað er á föstudögum.
Við bendum fólki á að senda fyrirspurnir á fimleikar@armenningar.is

María Norðurlandameistari í kraftlyftingum og bekkpressu

Sun, 29 Aug 2010 21:23:00 GMT

Nú um helgina fór fram Norðurlandamótið í kraftlyftingum og bekkpressu en þar keppti Ármenningurinn María Guðsteinsdóttir með góðum árangri.

Haustæfingar hefjast hjá 12 ára og yngri

Sun, 29 Aug 2010 21:12:00 GMT

Æfingar hefjast á ný miðvikudaginn 1. september hjá 12 ára og yngri

Haust og langsundsmót Ármanns

Sat, 28 Aug 2010 10:36:00 GMT

Mótið er haldið í 25m laug og verður keppt í 4 hlutum; einn hluti á föstudag og þrír á laugardag.

Nánari upplýsingar um tímasetningar, keppnisgreinar, skráningar og reglur mótsins má finna á heimasíðu sunddeildar hérna.

Kynningarfundur fyrir 15 ára og eldri

Thu, 26 Aug 2010 07:58:00 GMT

Kynningarfundur um starf vetrarins hjá 15 ára og eldri

Sundæfingar komnar á fullt hjá elstu iðkendunum

Tue, 24 Aug 2010 23:08:00 GMT

Æfingar eru þegar hafnar eftir sumarfrí hjá gull og silfurhóp í Laugardal.

Silfurhópur í Árbæ byrjar mánudaginn 23.ágúst kl:17:00. Æfingatöflu fyrir silfurhópana má finna hérna.

Bronshópur í Árbæ byrjar fimmtudaginn 26.ágúst kl:16:00-17:00 og bronshópur í Laugardal byrjar fimmtudaginn 2. september kl. 15:0.-16:00. Æfingatöflu fyrir bronshópana má finna hérna.

Byrjendur: Rauður hópur í Árbæjarskóla byrjar fimmtudaginn 2.september kl:16:30-17:15 og rauður hópur í Sundhöllinni byrjar miðvikudaginn 1.september kl:16:30-17:15. Æfingatöflu fyrir rauðu hópana má finna hérna.

Nánari upplýsingar gefur Þuríður yfirþjálfari sunddeildarinnar í síma 691-7959 og netfangi: thurye [at] internet.is.

Ungbarnasund og sundskóli

Tue, 24 Aug 2010 22:56:00 GMT

Ungbarnasundsnámskeið og sundkóli fyrir 2-6 ára eru starfrækt í Árbæjarlaug á laugardögum. Næstu námskeið hefjast 11. september og kosta 10 skipti 14.000 krónur.

Upplýsingar um ungbarnasundið má finna hérna.

Upplýsingar um sundskólann má finna hérna.

Nýr þjálfari og æfingar að hefjast hjá Taekwondo-deildinni!

Tue, 24 Aug 2010 12:56:00 GMT

Næstkomandi mánudag, 30. ágúst, mun starfsemi Taekwondo deildarinnar fara á fullt skrið eftir sumarið. Af nógu er að taka því veturinn er þétt skipulagður með æfingar uppá hvern dag (nema sunnudaga) og geta iðkendur því valið úr fjölda æfinga, sjá æfingatöflu.

Nýjung hjá deildinni er að bjóða upp á æfingar fyrir 60 ára og eldri auk þess sem að ný bardagalist verður kennd við deildina. Nýja bardagalistin heitir Subakdo og er frá Kóreu, líkt og Taekwondo, nema með rólegri áherslur og hentar því þeim sem eftir því sækjast.

Taekwondo deild Ármanns hefur gengið frá samningi við Cesar Rodriguez Luna (5. dan) og kemur hann til með að halda utan um þjálfun vetrarins að miklu leyti. Cesar kemur frá Mexíkó og hefur verið viðloðandi Taekwondo síðan 1973. Hann á að baki langan keppnisferil og hefur unnið til fjölda verðlauna á alþjóðlegum mótum. Cesar var meðlimur mexíkóska landsliðsins í 15 ár og var um tíma fyrirliði liðsins. Hann varð síðar landsliðsþjálfari Mexíkó. Cesar hefur lengi verið talsmaður Taekwondo og er reynslumikill og eftirsóttur þjálfari. Heimssamtök Taekwondo (World Taekwondo Federation) hafa veitt Cesar þann heiður að gera hann að meðlim í ,,Taekwondo Hall of Fame“, sem er sérstök alþjóðleg viðurkenning fyrir þá sem skarað hafa fram úr í íþróttinni og tekið þátt í öflugu starfi við uppbyggingu á Taekwondo. Síðustu ár hefur Cesar verið skipuleggjandi alþjóðlegra móta, skrifað bók um íþróttina og verið formaður Taekwondo starfs í hluta Mexíkó. Cesar hefur verið með eina æfingu á viku fyrir fullorðna Ármenninga síðan um áramót 2010 þar sem hann vakti mikla lukku með krefjandi og skemmtilegum æfingum auk þess sem hann sá um sumaræfingarnar í sumar fyrir fullorðna og unglinga. Það ríkir því mikil eftirvænting og tilhlökkun í herbúðum deildarinnar fyrir komandi vetri.

Við minnum á að nýir iðkenndur eru alltaf velkomnir og það kostar ekkert að prófa Taekwondo hjá Ármanni. Það eina sem þarf er að mæta og taka þátt, sjá nánar hér.

Sjáumst 30. ágúst!