Fréttir

Kæru foreldrar

Ármann og Þróttur bjóða upp á rútuferðir frá fristundaheimilunum í hverfinu eins og undanfarin ár. Fyrirkomulagið á þeim verður með breyttum hætti en eitt gjald er fyrir allt árið óháð því hversu margar ferðir eru nýttar. Gjaldið verður 17.000 krónur fyrir árið og skráning í hana fer fram í gegnum skráningasíður félaganna eins og áður, armenningar.felog.is og trottur.felog.is . Skráning fer þannig fram að tími ferðar og frístundaheimili er valið og þar er valmöguleiki um að velja ferðadaga. Ef barnið þarf að taka fyrri rútu einn daginn og seinni rútu annan, vinsamlegast hafið samband með tölvupósti. Afskráningar í rútuna og breytingar þurfa að berast í tölvupósti til íþróttafulltrúa félaganna, This email address is being protected from spambots. You need JavaScript enabled to view it. og This email address is being protected from spambots. You need JavaScript enabled to view it..

Athugið að allar breytingar þurfa að berast til okkar frá foreldrum varðandi rútuferðir almennt, ef um einstaka forföll er að ræða, þá þarf að tilkynna það til frístundaheimilis. Ef breytingar eru á æfingatíma barna, þau færast á milli hópa eða æfingatími hópsins breytist, þá þarf að tilkynna það í fyrrgreind netföng, það gerist ekki sjálfkrafa.

Íþróttarútan byrjar að ganga mánudaginn 5. september samkvæmt eftirfarandi skipulagi:

Haustönn:5.september-15.desember
Vorönn: 2.janúar- 24.maí

Fyrri ferð
Brottför frá Vogaseli 14:20
Brottför frá Glaðheimum 14:30
Brottför frá Laugarseli 14:40

Seinni ferð
Brottför frá Vogaseli 15:20
Brottför frá Glaðheimum 15:30
Brottför frá Laugarseli 15:40

Við viljum biðja ykkur um að lesa eftirfarandi reglur vel ef þið ætlið að nýta ykkur þjónustuna, það er mjög mikilvægt að eftirfarandi upplýsingar séu á hreinu.

Nýskráning í rútuna þarf að berast í síðasta lagi fyrir klukkan 12:00 föstudeginum 2. september til þess að barnið geti byrjað að fara með rútunni í vikunni 5. til 9. september. Þegar barnið hefur verið skráð þá gildir sú skráning allt árið. Þetta á svo við um skráningar í rútuna hér eftir, skráning þarf að berast í síðasta lagi fyrir klukkan 12:00 í vikunni áður en ferðir eiga að hefjast. Vinsamlegast óskið ekki eftir undantekningu á þessari reglu. Þessi vinnuregla hefur verið tekin upp með öryggi barnanna að leiðarljósi.

Mjög mikilvægt er að láta starfsfólk frístundaheimilanna vita ef barn sleppir æfingu, þetta er hægt að gera með því að hringja eða senda tölvupóst á frístundaheimilið. Ef um stuttan fyrirvara er að ræða, hringið þá frekar. Athugið: EKKI er nóg að senda barnið með þessar upplýsingar.

Ef barn byrjar að æfa nýja íþrótt og fer með íþróttarútunni, er mjög æskilegt að foreldri verði búið að fylgja barninu a.m.k. einu sinni áður, jafnvel oftar hjá yngstu börnunum, áður en farið er með rútunni. Brýnið fyrir börnunum hvert þau eiga að fara í klefa og þ.h.

Starfsmenn íþróttafélaganna og frístundaheimilanna munu reyna að fylgja börnunum í rútunni eins og undanfarin ár. En eins og hefur komið fram er mikil mannekla á frístundaheimilum bæjarins og starfmannafjöldi félaganna ekki mikill. Það munu koma dagar þar sem við náum ekki að manna ferðirnar með starfsmanni í byrjun tímabilsins.

Að lokum vonumst við eftir áframhaldandi góðu samstarfi og bendum ykkur á að koma með athugasemdir til íþróttafulltrúa félaganna ekki starfsmanna frístundaheimilis

F.h. Ármanns
Eiður Ottó Bjarnason This email address is being protected from spambots. You need JavaScript enabled to view it.

F.h. Þróttar
Þórir Hákonarsson This email address is being protected from spambots. You need JavaScript enabled to view it.