Fréttir

Æfingatöflur allra deilda:

AÐALFUNDUR SUNDDEILDAR ÁRMANNS verður haldinn
Þriðjudaginn 31. janúar  2017 . kl. 20- 21:15
í Sundmiðstöðinni Laugardal, 2. hæð

Dagskrá fundarins:


1.     Stuttar skýrslur 

Formanns

Gjaldkera

Yfirþjálfara

Formanns foreldrafélags

 

2. Stjórnarkjör

Formaður

Varformaður

Gjaldkeri

Ritari

Meðstjórnendur

Vararmenn

 
2.     Önnur mál

Spánarferð elstu hópana

Peysur, bolir og leggings verða til sölu 

15 mín fyrir fund og 15 mín eftir fund. 

 Allir foreldrar og forráðamenn eru hvattir til að mæta og ræða hag

barna sinna og leggja sitt af mörkum til eflingar sunddeildarinnar.

Hlökkum til að sjá sem flesta foreldra og eigum notalega kvöldstund  saman.

 Með Ármannskveðju

 Fyrir hönd stjórnar

Bergþóra Guðmundsdóttir 

Við í Ármanni getum heldur betur verið stolt af okkar fólki í ár. Við áttum 4 af 10 tilnefningum í íþróttamann og íþróttkonu Reykjavíkur og bikarlið karla og kvenna í fimleikum voru tilnefnd sem íþróttalið Reykjavíkur. Það var okkar maður úr kraftlyftingadeildinni hann Júlían J. K. Jóhannsson sem var valinn annað árið í röð íþróttamaður Reykjavíkur. Enn og aftur sínum við hversu magnað Glímufélagið Ármann er og viljum við óska öllum ármenningum til hamingju með þennan frábæra árangur á árinu.

http://www.mbl.is/sport/frettir/2016/12/14/lafia_og_julian_ithrottafolk_reykjavikur/

Hér má sjá Júlían taka við sinni viðkenningu.Julian Iþrottakarl

Hér má sjá hluta af bikarliðum Ármanns taka við sínum viðurkenningum.Fimleikalið

Sæl

Því miður fellur tíminn niður í dag mánudag vegna veikinda. 

Kv. Ragna Þyrí

Glímufélagið Ármann ætlar að blása til fræðslu fyrir forráðamenn og iðkendur Ármanns. Þar verður fjallað um næringu, svefn og hvíld. Ármann ætlar að bjóða upp á þessa frábæru fræðslu endurgjaldslaust.

Það verða haldnir tveir fræðslufundir á næstu vikum. 

1)
Við byrjum í næstu viku fimmtudaginn 19.janúar þar sem fjallað verður um næringu íþróttafólks, þar sem farið er í næringarþarfir íþróttamannsins, og hvað hann/hún getur beitt næringunni til að ná markmiðum sínum.
Við ætlum að skipta hópunum upp þar sem milli 17:00-18:00 er fyrir 12-16 ára þar sem við hvetjum forráðamenn að mæta með börnunum. Milli klukkan 18:00-19:00 er fyrir 16 ára og eldri og eru forráðamenn velkomnir með. 

ATH það er takmarkaður fjöldi sæta í boði og kostar ekkert.

Staðsetning: Bíósalurinn í Frjálsíþróttahöllinni í Laugardag (Nýja höllin). Gengið er inn bakvið gömlu Laugardalshöllina.

Skráning: Senda þarf tölvupóst á This email address is being protected from spambots. You need JavaScript enabled to view it. með nöfnum þátttakenda.


2)

Fræðsla númer tvö verður miðvikudaginn 25.janúar milli klukkan 17:00-18:00 og eru allir velkomnir. Fjallað verður m.a. um af hverju við þurfum að sofa, eðlilegan svefn og dægursveiflu, flugþreytu (jet lag), hæfilega svefnlengd, svefnvenjur og daglúra. Einnig verða kynntar rannsóknir sem sýna áhrif svefns á árangur í íþróttum. 
Fyrirlesarar eru tveir:
Dr. Erna Sif Arnardóttir, forstöðumaður svefnmælinga við Landspítala og nýdoktor í svefnrannsóknum við Háskóla Íslands 
Sigríður Sigurðardóttir, íþróttafræðingur og svefnmælifræðingur við Landspítala.


ATH það er takmarkaður fjöldi sæta í boði og kostar ekkert.

Staðsetning: Bíósalurinn í Frjálsíþróttahöllinni í Laugardag (Nýja höllin). Gengið er inn 

bakvið gömlu Laugardalshöllina.

Skráning: Senda þarf tölvupóst á This email address is being protected from spambots. You need JavaScript enabled to view it. með nöfnum þátttakenda.

Sunnudaginn 11.12.16 var haldið upp á 128 ára afmæli Ármanns, en félagið var stofnað þann 15. desember 1888. Venju samkvæmt var valinn efnilegasti og íþróttamaður Ármanns fyrir árið 2016 og afhentir styrkir úr Afrekssjóði Ármanns. Við í Ármanni getum verið virkilega stolt af okkar fólki og hefur sjaldan verið jafn erfitt að velja út þessum myndarlega hóp. 

Íþróttmaður Ármanns árið 2016 er Júlían J.K. Jóhannsson kraftlyftingamaður. Drengurinn á stórkostlegt ár að baki sem hófst með því að sigra Reykjavík International games (RIG), í klassískum lyftingum þar sem allar lyftur hans voru Íslandsmet í opnum flokki 120 kg.

Í apríl varð hann Evrópumeistari unglinga í Malaga og setti ný Íslandsmet í opnum flokki og unglingaflokki og samnlögðu.

Í maí varð hann Íslandsmeistari í opnum flokki í 120+kg og aldrei þessu vant setti hann ekki ný Íslandsmet enda skammt um liðið frá Evrópumótinu.

Í ágúst varði Júlían heimsmeistaratitil sinn í unglingaflokki með miklum yfirburðum eða 145 kg frá næsta manni. Hann lyfti 400 kg í hnébeygju, 310 kg í bekkpressu og 370 kg í réttstöðulyftu með 1080 kg í samanlögðu sem er met í opnum flokki.

Lokahnykkurinn á árinu hjá Júlíanni var svo frumraun hans í fullorðinsflokki á heimsmeistaramótinu í opnum flokki í Flórída í Bandaríkjunum. Hann hafnaði í 5 sæti í samanlögðu með 1080kg. En hann varð heimsmeistari í í réttstöðulyftu með nýju Íslandsmeti upp á 380 kg sem er Evópumet unglinga. Hann átti jafnframt mjög góða tilraun við nýtt heimsmet unglinga sem er 390kg. Það fór upp en það vantaði smá upp á jafnvægið en við meigum búast við því að þetta fari upp von bráðar.

Júlían kemst loksins í fullorðinna manna tölu um áramótinn þegar hann keppir eingöngu í fullorðinsflokki. En hann hefur átt frábært ár og viljum við óska honum innilega til hamingju með nafnbótina Íþróttamaður Ármanns annað árið í röð.

Efnilegasti íþróttamaður Ármanns er fimleikamaðurinn Jónas Ingi Þórisson. Hann er einungis 14 ára og er meðal efnilegustu fimleikamanna landsins. Hann hóf æfingar í kringum 5 ára aldurinn og hefur æft af miklum krafti síðan. Jónas tók þátt í þrem landsliðsverkefnum ár árinu. Á norðurlandamótinu komst hann í úrslit á stökki og á Berlínar cup lenti hann í 2.sæti á stökki. Einnig tók hann þátt á Evrópumóti unglinga í Bern og stóð sig með mikilli prýði.

Hann varð Íslandsmeistari unglinga  á fyrsta ári í unglinaflokki en þar er hann á yngsta árinu. Hann sigraði GK meistaramót unglinga og varð bikarmeistari með Ármanni.

Þessi drengur er mikil fyrirmynd fyrir unga iðkendur Ármanns. Hann er mikill félagsmaður og hefur hann verið að aðstoða við mót Ármanns undanfarið ár. Það er ljóst að hérna er mikill sóma piltur á ferð og er félagið mjög stolt af þessum unga dreng og framtíð hans er björt innan fimleikana. 

Á myndinni hér fyrir neðan má sjá Júlían og Jónas taka við viðurkenningunum út höndum Snorra formanns Ármanns.Julian Jonas og Snorri

 

Einnig voru valdnir bestu og efnilegustu íþróttamenn ársins fyrir hverja deild:

Fimleikadeild:

Bestur: Irina Sazonova

Efnilegastur: Jónas Ingi Þórisson

Frjálsíþróttadeild:

Bestur: Ásdís Hjálmsdóttir

Efnilegasti: Trausti Þór Þorsteins

Júdódeild:

Bestur: Sveinbjörn Jun Iura

Kraftlyftingadeild:

Bestur: Júlían J. K. Jóhannsson

Efnilegastur: Björn Margeirsson

Lyftingadeild:

Bestur: Þuríður Erla Helgadóttir

Efnilegastur: Jökull Máni Þrastarsson

Skíðadeild:

Bestur: Freydís Halla Einarsdóttir

Efnilegastur: Hólmfríður Dóra Friðgeirsdóttir

Sunddeild:

Bestur: Ragna Sigríður Ragnarsdóttir

Efnilegastur: Jón Klausen

Taekwondodeild:

Bestur: Samar E Zahida Uz-Zaman

Efnilegastur: Hákon Jan Norðfjörð.

Hér má sjá þá sem fengu viðurkenningu fyrir að vera valin best og efnilegustu íþróttamenn Ármanns í hverri deild.Best og efnilegust

Afrekssjóður Ármanns var stofnaður 11.október 2008, þegar við Ármenningar héldum upp á 120 ára afmæli félagsins. Úthlutun úr sjóðnum hefur farið fram á afmæli félagsins ár hvert. Sjóðurinn er styrktur af félaginu og renna m.a. 10% af lottótekjum félagsins í sjóðinn. Í ár var úthlutað 1.110.000 -kr. Sjóðnum bárust umsónir frá 16 einstaklingum sem allar voru samþykktar. Hverju íþróttafélagi er nauðsynlegt að hafa góðar fyrirmyndir og eru öðru íþróttafólki mikil hvatning. Við erum virkilega stolt af afrekum þeirra og ekki síðum þeim sjálfum. 

Hér fyrir neðan má sjá nöfn þeirra sem fengu styrk úr afrekssjóði Ármanns:

Ásdís Hjálmsdóttir, Frjálsíþróttadeild

Dominiqua Alma Belányi, Fimleikadeild

Eyþór Atli Reynisson, Taekwondodeild

Harpa María Friðgeirsdóttir, Skíðadeild

Helgi Sveinsson, Frjálsíþróttadeild

Hólmfríður Dóra Friðgeirsdóttir, Skíðadeild

Irina Sazonova, Fimleikadeild

Jón Sigurður Gunnarsson, Fimleikadeild

Júlían J. K. Jóhannsson, Kraftlyftingadeild

Magnea Björg Friðjónsdóttir, Fimleikadeild

Samar E Zahida Uz-Zaman, Taekwondodeild

Sindri Steinn Davíðsson Diego, Fimleikadeild

Sturla Snær Snorrason, Skíðadeild

Sveinbjörn Jun Irua, Júdódeild

Trausti Þór Þorsteins, Frjálsíþróttadeild

Hér má sjá þá sem fengu styrk úr afrekssjóði Ármanns:Afrekssjoðsmynd

Irina Sazonova fékk afhent gullmerki Ármanns fyrir það frábæra afrek að komast á Ólympíuleikana í Ríó. Irina er fædd í borginni Vologda í Rússlandi árið 1991. Fjögurra ára gömul fór hún að æfa fimleika fyrst í Vologda og síðar í Sankti-Pétursborg en þangað fluttist hún árið 2005 eftir andlát móður sinnar og var þar í heimavistarskóla fyrir ungt íþróttafólk. Hún var í liði Sankti- Pétursborgar í fimleikum og einnig í landsliði Rússlands. Árið 2011 var hún meðlimur í landsliði Rússlands á Ólympíuleikum ungmenna í Kína þar sem landsliðið fékk brons medalíu. Árið 2013 fluttist Irina til Íslands og heldur áfram að æfa fimleika hérlendis og vinnur sem þjálfari hjá Ármanni. 13. ágúst 2015 var henni veittur íslenskur ríkisborgaréttur og stuttu síðar valin í landslið Íslands í fimleikum til að keppa fyrir hönd landsins. Irina er fyrst íslenskra kvenna til að keppa á Ólympíuleikum í áhaldafimleikum kvenna. Við óskum Irinu innilega til hamingju með þennan merka áfanga.

Hér má sjá Snorra formann næla gullmerkinu á Irinu.Snorri Irina