![](/images/2022/01/10/armann_merki-5.png)
Glímufélagið Ármann
Íþróttamiðstöðin Laugaból
Engjavegur 7, 104 Reykjavík
armann@armenningar.is
Sími: 412 7400
Kennitala: 420169-0359
VSK Númer: 22951
2010 árgangur körfuknattleiksdeildar Ármanns fór í skemmtilega keppnisferð til Lloret de Mar síðustu vikuna í júní. Þau tóku þátt í Eurocup móti sem er haldið árlega þar. Lloret de Mar er strandbær stutt frá Barcelona og þar er nóg um að vera á milli leikja. Mótið er alþjóðlegt mót og lið koma frá ýmsum löndum til að taka þátt. Lið Ármanns léku við lið frá Spáni, Tyrklandi, Íslandi, Frakklandi og Palestínu á þessu móti. Skemmst er frá því að segja að stelpurnar unnu alla leikina á mótinu og urðu meistarar í sínum aldursflokki og strákarnir unnu öll liðin nema eitt og urðu því í öðru sæti.
Krakkarnir skemmtu sér konunglega og gátu brallað ýmislegt á milli leikja eins og að fara í vatnsrennibrautagarð, go kart, tívolí, ströndina og margt fleira. Við vorum svo heppin að hafa frábæra fararstjóra með okkur í ferðinni. Þær voru með allt á hreinu og stóðu sig frábærlega í að skipuleggja skemmtilega dagskrá og aðstoða við leikina. Þar voru þær með drykki, blævængi, úðabrúsa, sjúkratösku og fleira svo að ekkert skorti á meðan keppni stóð.
Það var virkilega gaman að ferðast með þessum hópi og voru krakkarnir til fyrirmyndar innan vallar sem utan. Þau stóðu sig vel í að hvetja þegar þau voru ekki að spila og kynntust leikmönnum úr hinum liðunum líka. Þau voru mjög öflug í leikjunum þrátt fyrir mikinn hita og framfarir miklar hjá þeim á milli leikja í mótinu sem skilaði svona flottum árangri. Það verður gaman að fylgjast með þessum flottu krökkum áfram og ljóst að framtíðin er björt hjá Ármanni.
Íþróttamiðstöðin Laugaból
Engjavegur 7, 104 Reykjavík
armann@armenningar.is
Sími: 412 7400
Kennitala: 420169-0359
VSK Númer: 22951