Hólmfríður Inga Eyþórsdóttir, formaður stjórnar taekwondodeildar Ármanns og gjaldkeri Glímufélagsins Ármanns, lést síðastliðinn föstudag aðeins 51 árs að aldri. Inga hefur til fjölmargra ára verið helsti drifkrafturinn í starfi og stjórnun deildarinnar, eða allt frá því að sonur hennar, Eyþór Atli, tók sín fyrstu spor í íþróttinni 5 ára gamall. Inga var einstök manneskja sem lagði mikið af mörkum bæði til taekwondodeildar Ármanns og taekwondo íþróttarinnar á Íslandi. Við syrgjum góða vinkonu og samstarfsfélaga og sendum okkar dýpstu samúðarkveðjur til Eyþórs Atla og fjölskyldunnar og annarra aðstandenda.

Stjórn taekwondodeildar Ármanns

Aðalstjórn Glímufélagsins Ármanns